Saxovat tadbirlari
Saxovat tadbirlari
3 dekabr “Xalqaro nogironligi bo’lgan shaxslar huquqlarini himoya qilish kuni” munosabati bilan Qashqadaryo viloyati musiqali drama teatr ijodiy jamoasi tomonidan bir qancha imkoniyati cheklangan maktablar va muruvvat uylarida “Saxovat va Muruvvat” tadbirlarini tashkil etdi. Qarshi shahridagi 17-sonli kar-soqovlar maxsus maktab internati o‘quvchilari uchun teatr rejissyori A.Boyto‘raev tomonidan o‘quvchilar bilan birgalikda “Ona tabiatni asrash” mavzusidagi sahna ko‘rinishi hamda bayram konsert dasturi namoyish etildi. Konsertda E.Mustafoev, M.Jalilov, F.To‘raevlar ishtirok etdi.
Shu kuni Qarshi shahridagi imkoniyati cheklangan nogironlar muruvvat uyida teatrning san’atkorlari J.Abdullaev, Q.Berdievlar ishtirokida konsert dasturi namoyish etilib, ular ko‘nglini bayramona shukuhga to‘ldirdi.
Har qanday saxovat avvalo ko‘ngli o‘ksik qalblarni shod etishdan boshlanishi bu xalqimizga xos azaliy ulug‘vor qadriyatlardandir.
Qashqadaryo viloyat musiqali drama teatri matbuot xizmati