Yil sarhisobi.
22 yanvar kuni saot 15:00da Qashqadaryo viloyati musiqali drama teatrida Qarshi muhandislik va iqtisodiyot instiutining “Yil sarhisobi” deb nomlangan tantanali taqdirlash marosimi bo‘lib o‘tdi. Ushbu tadbirni institut rektori Bozorov Orifjon Shodievich tabrik so‘zi bilan ochib berdi. Rektor o‘z so‘zida yangi tashkil etilgan universitet jamoasiga o‘tayotganligi va bu borada barcha ustoz va professor o‘qituvchilarga omad va zafarlar yor bo‘lishini ta’kidladi. Tadbirda yil davomida faol bo‘lgan talabalar, shuningdek, ilmiy toifalari oshgan,jumladan dissertatsiya yoqlagan fan doktorlari, professor o‘qituvchilariga malaka toifasiga qarab ilmiy unvonlar hamda qimmatbaho esdalik sovg‘alari tantanali ravishda topshirildi. Shundan so‘ng teatr ijodkorlari tomonidan konsert dasturi namoyish etildi. Konsertda jonli ijro hamda fonogrammadan foydalangan holda milliy mumtoz kuy-qo‘shiqlar guldastasi namoyish etildi. Tadbirda doimiy hamkorligi uchun teatr rahbari O‘tkir Karimovich Mahmatqulovga ham faxriy yorliq va esdalik sovg‘asi topshirildi. Tadbir yuqor saviyada tashkil etildi.