“Teatr kuni”
O‘zbekiston Respublikasi Prezidentining 2020 yil 26 maydagi 6000-sonli Farmoni hamda 2023 yil 22 dekabr kuni Respublika Ma’naviyat va ma’rifat kengashining kengaytirilgan yig‘ilishida korxona va muassasalarda oyning bir kuni “Teatr kuni” deb belgilanib, xodimlarning teatrlarga borishi belgilab berilgan.
Ushbu topshiriq ijrosi yuzasidan 10 oktyabr kuni soat 11 00da Qashqadaryo viloyati musiqali drama teatriga Qarshi shahridagi ixtisoslashgan madaniyat maktabi o‘quvchi yoshlari hamda o‘qituvchilari tashrif buyurdi. Ular uchun R.Muxammadjonovning “Aldagani ayol yaxshi” asari asosida F.Boynazarov tomonidan sahnalashtirilgan “Ko‘ngil ishq istaydi” musiqali komediyasi namoyish etildi. Spektakl o‘quvchilar tomonidan katta qiziqish va olqishlar bilan qarshi olindi.
Qashqadaryo viloyati musiqali drama teatri matbuot xizmati