Jalilova Nilufar Tolipovna

Qashqadaryo viloyat musiqali drama teatrining balet  artisti

Jalilova Nilufar Tolipovna

Umumiy mehnat staji 26 yil. Ushbu vazifada 1993 yildan buyon ishlab kelmoqda.

Nilufar Jalilova  1979  yil  10 yanvar kuni Qarshi shahrida  tug‘ilgan.

N.Jalilova 20 yillik   faoliyati  davomida  o‘zbek klassik va lirik  hamda xalq  raqslarini maromiga yetkazib  ijro etib  kelmoqda.    Jumladan  uning  raqslar  guldastasida  “Chehra”, “Qarshi nashidasi”, “Tog‘  go‘zali”, “Ispan qizi”, “Doira raqsi”, “Tanovor”, “Munojot”, “Bahor valsi”, “Zavqim kelur”, “Ipak raqsi”  kabi  qator raqslar  keng  o‘rin  egallagan.  N.Jalilovaning  ushbu  fidokorona  xizmatlari e’tiborga olinib,  Qashqadaryo  viloyati  hokimligi Madaniyat va sport ishlari boshqarmasi tashabbusi  bilan  o‘takaziladigan “E’tibor-2013” taqdirlash marosimida “Yilning  eng yaxshi raqqosasi” nominatsiyasi bilan taqdirlandi.

N.Jalilova   teatrda  nafaqat  raqqosa, balki  ko‘pgina spektakllarda  bosh qaxramon hamda asosiy  rollarni  ijro  etib, aktrisa  sifatida  ham ko‘pgina obrazlar yarata olgan mahoratli va serqirra ijodkor.  Jumladan,  E.Vohidovning  “Ruhlar isyoni”da  jangchining  xotini  va oliy ruh, N.Shodmonovning “Ko‘zalar”da Notiqning xotini,  E.Voxidovning “Ikkinchi tumor”da  Sunbula, N.Shodmonovning “Oydin Davron”da Oydin,  R.Muxammadjonovning  “Changak”da  Nodira, O‘.Hoshimovning “To‘ylar muborak”da Kimyo xola, N.Shodmonovning “Layli va Majnun”da Ishq o‘ti, R.Muxammadjonovning “Davlat bolalari”da Xumora Hasanova, N.Shodmonovning “Abu Muin Nasafiy”da Safira,   N.Shodmonovning “Shiroq”da Qabila boshlig‘i, U.Xodjibekovning “Arshin mol olon”da Osiyo, Tunjar Jujen o‘g‘lining “Brut yoxud Yuliy Sezarning o‘limi”da Porsiya Katano, A.Oripovning “Jannatga yo‘l”da Farishta, N.Shodmonovning “Oqsaroy”da Saroymulk xonim, N.G‘oyibnazarovaning “Tohir va Zuhra”da Mohim, N.Gogolning “Tentakning yozmalari”da Sofi, Ch.Aytmatovning “Oq kema”da Ona bug‘u, J.Jabborovning “To‘ydan oldin tomosha”da Feruza va Oysha, Tohay Murod asarlari asosidagi “Xush vaqt”da Qimmat   obrazlarini yaratib teatr ixlosmandlari qalbidan chuqur joy olishga ulgurdi.

Nilufar Jalilova  kamtarin, mehnatkash, o‘z kasbini sevuvchi fidoiy  raqqosa    sifatida   ustozlari,  hamkasb   do‘stlari va jamoa  hurmatini   qozongan.