Ўзбекистонда хизмат кўрсатган артист Хуррият Исроилова

O‘zbekistonda xizmat ko‘rsatgan artist

Isroilova Xuriyat Ismagilovna

Umumiy mehnat staji 50 yil. Ushbu vazifada 1970 yildan ishlamoqda.

X.Isroilova mehnat faoliyatini 1963 yili “O‘gay ona”da Dono obrazini yaratish bilan boshladi. U 1970 yildan teatrdagi ilk ijodiy faoliyatini boshladi. 1974-1979 yillarda Toshkent davlat teatr va rassomchilik institutining kino va drama yo‘nalishi sirtdan tamomlagandan so‘ng, Qashqadaryo viloyati M.Toshmuhammedov nomidagi musiqali drama teatrida aktrisa bo‘lib ishlay boshladi. U o‘z ijodiy faoliyati davomida teatr sahnasida yuzlab rang-barang, katta-kichik obrazlar yaratib mutaxassislar e’tirofi va tomoshabinlar olqishiga sazovor bo‘ldi.

U “Shaydo aylagan qiz”da Iqbol, “Toshbolta oshiq”da Salomat, “Oltin devor”da Zuhra, “Ayajonlarim”da Xayri , “Jon qizlar”da Jonsuluv, “Izop”da Militta, “Sohillar va taqdirlar”da Tanzilla, “Mehribonlar”da Anjileka, “O‘jarlar”da Ozoda, “Yoriltosh”da Oygul, “Tuydan oldin tomosha”da Feruza, “G‘ariblar”da Kora, “Oqibat”da Iroda, Manzura, “Xolisxon”da Xolis, “G‘urbat farzandi”da Katya, “Tobutdan tovush”da Netayxon, “Tohir va Zuhra”da Moxin, “Jannatga yo‘l”da Hur kiz, “Aka-uka sovchilar”da Yulduz, “Davlat bolalari”da Nazira, “Sarob”da Qiz, “Amir Temur”da O‘ljaoy Turkon og‘a, “Vijdon dorisi”da Adolat, “Shamshirboz”da Malika, “Onaizor”da Roziya, “Singan tanbur nidosi”da Novvot xola, “Qari kizning baxti”da Marjon, “Takdir”da Amma, “To‘ylar muborak”da Kimyo xola kabi obrazlarini yaratganligi shular jumlasidandir.

1983 yil “Teatr-83” respublika festevalida “Nurxon” spektaklidagi Nurxon obrazi uchun “Eng yaxshi ayol roli uchun” nominatsiyasini qo‘lga kiritgan.

“O‘zbekteatr” ijodiy ishlab chiqarish birlashmasi tomonidan tashkil etilgan “Seni kuylaymiz, zamondosh” nomli Respublika teatrlari fevtivalida N.Shodmonovning “Najot darvozasi” asarida Ona obrazini talqin etib, tomoshabinlar va teatr mutaxassislari e’tiborini qozondi.

Xurriyat Isroilova teatr saxnasidagi rollaridan tashkari turli kino va vediofilmlarda ham ishtirok etib, tomoshabinlar qalbidan chuqur joy egallab kelmokda. Jumladan, “Kadimda bo‘lgan ekan” vediofilmida Ona, “G‘izg‘izon” vediofilmida Sunbula, “Oqqushlar”da Xadicha, “Oila sha’ni” vediofilmida Ona kabi betakror obrazlar yaratgan.

Iste’dodli aktrisa sifatida teatr sahnasida to‘laqonli, bir-birini takrorlamaydigan, rang-barang obrazlar yaratib, o‘z muxlislarini xushnud etib kelmoqda. U jamoa o‘rtasida ham obru-e’tiborga ega. Kamtarin, mehnatkash, o‘z kasbini sevuvchi fidoiy ijodkor sifatida ustozlari, hamkasb do‘stlarining hurmatini qozongan. Yoshlarga esa namuna ko‘rsatadigan ustoz. U o‘z zimmasiga yuklatilgan har bir vazifani o‘z vaqtida bajaradigan ma’suliyatli xodim.