2019-2023 йиллар давомида Х.Хурсандовнинг “Бобомнинг орзуси” спектакли билан Туркиянинг Истанбул шаҳрида бўлиб ўтган II, Турк режиссори Кубилай Эрдиликара томонидан саҳналаштирилган Н.Гоголнинг “Тентакнинг ёзмалари” спектакли билан III, Турк режиссори Кубилай Эрдиликара томонидан саҳналаштирилган Ж.Мольернинг “Ҳасис” спектакли билан IV халқаро театрлар фестивалида иштирок этилди. Н.Гоголнинг “Тентакнинг ёзмалари” спектакли Туркияда бўлиб ўтган халқаро театрлар фестивалининг “Гран-при” совринини қўлга киритди. Шунингдек, Туркия, Грузия, Польша, Франция, Озарбайжон, Тожикистон, Қозоғистон каби бошқа давлат театрлари билан ҳам халқаро ижодий алоқалар тикланди.
28-апрель 6 май кунлари Қашқадарё вилоят мусиқали драма театри директори Ў.Махматқулов Португалия давлатининг Брага шаҳрида бўлиб ўтган халқаро театрлар намойиши ҳамда Евраазия театрлар ассосациясининг навбатдаги йиғилишида иштирок этди. Қашқадарё вилоят мусиқали драма театри директори Ўткир Маҳматқулов ва Португалия давлати, Брага шаҳар театри – “ТЕАТРО CİРCО” директори ва Бадиий раҳбари Руи Мадейра ўртасида ижодий ҳамкорликни ривожлантириш мақсадидан меморандум имзоланди. Меморандумга биноан жорий йилнинг август ойида Руи Мадейра Қашқадарё вилоят мусиқали драма театрида А.Чеховнинг “Таклиф” ва “Тўй” пьесалари мотивлари бўйича спектакль саҳналаштирди. Ушбу спектакль 2024 йили июл ойида Брага шаҳрида бўлиб ўтиши режалаштирилган халқаро фестивалда иштирок этиш учун таклиф этилди.
3 июнь куни Қашқадарё вилояти мусиқали драма театрига ташриф буюрган Франциялик таниқли режиссор Кристоф Фитрейер ва театр директори Ўткир Махматқулов ўртасида ўзаро ҳамкорлик шартномаси имзоланди. Шартномага мувофиқ К.Фитрейер келгуси йилларда театр репертуари учун муносиб жаҳон классик асарларидан бирини саҳналаштириш орқали ижодий ҳамкорлик ишлари бардавом бўлишига келишиб олинди.
5- 15 июль кунлари Қашқадарё вилояти мусиқали драма театри Грузия давлатининг Озургетти шаҳрида бўлиб ўтадиган Н.Думбадзе номидаги 4- халқаро театрлар фестивалида Қашқадарё вилоят мусиқали драма театрида Грузиялик режиссор Каха Гогидзе томонидан саҳналаштирилган Н.Думбадзенинг “Ҳелладос” спектакли билан иштирок этди. Фестиваль якунига кўра, “Ҳелладос” спектакли “Энг яхши саҳна декорцияси учун” ғолибликни қўлга киритди. Ушбу мукофот спектаклни саҳналаштирувчи рассоми Нурбек Ҳамидовга спектаклдаги ўзига хос услубдаги ижодий иши учун берилди.
